ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ទឹកជំនន់នៅឥណ្ឌូណេស៊ីបណ្ដាលឱ្យមានអ្នកស្លាប់កើនលើស ៤១នាក់ និងមានអ្នកបាត់ខ្លួន ១៧នាក់

  • ចុះផ្សាយថ្ងៃទី១៣ ខែឧសភា ឆ្នាំ២០២៤ ម៉ោង ១៣:២១ នាទី ដោយ Mesa
  • 1733
  Aa |   aA

ឥណ្ឌូណេស៊ី៖ មន្ត្រីទីភ្នាក់ងារគ្រប់គ្រងគ្រោះមហន្តរាយរបស់ឥណ្ឌូណេស៊ីបានប្រាប់មកកាន់សារព័ត៌មាននាថ្ងៃទី១៣ ខែឧសភានេះថា ចំនួនមនុស្សស្លាប់ដោយសារទឹកជំនន់ និងលំហូរកម្អែភ្នំភ្លើងនៅភាគខាងលិចប្រទេសឥណ្ឌូណេស៊ីកាលពីចុងសប្តាហ៍កន្លងទៅ បានកើនឡើងដល់ ៤១នាក់ហើយ ខណៈមនុស្សចំនួន ១៧នាក់ទៀតត្រូវបានបាត់ខ្លួន។

គួរឱ្យដឹងថា ភ្លៀងធ្លាក់យ៉ាងគំហុកភ្លាមៗប៉ុន្មានម៉ោងជាប់គ្នា បានបណ្ដាលឱ្យថ្មកម្អែលភ្នំភ្លើងបានហូរចាក់ចូលទៅក្នុងស្រុកចំនួនពីរនៅលើកោះស៊ូម៉ាត្រាកាលពីល្ងាចថ្ងៃសៅរ៍ ខណៈដែលទឹកជំនន់បានជន់លិចផ្លូវថ្នល់ ផ្ទះសម្បែង និងវិហារសាសនាជាច្រើនកន្លែង។ 

មន្ត្រីទីភ្នាក់ងារគ្រប់គ្រងគ្រោះមហន្តរាយនៃកោះស៊ូម៉ាត្រាម្នាក់បានថ្លែង​ប្រាប់សារព័ត៌មាន AFP យ៉ាងដូច្នោះថា៖ "ទិន្នន័យគិតត្រឹមយប់មិញ មានជនរងគ្រោះចំនួន ៣៧បានស្លាប់ ក៏ប៉ុន្តែនៅពេលព្រឹកព្រលឹមតួលេខអ្នកស្លាប់បានកើនឡើងដល់ ៤១នាក់"។ លោកបន្ថែមថា ក្រុមភ្នាក់ងារសង្គ្រោះកំពុងញាប់ដៃញាប់ជើងស្វែងរកជនរងគ្រោះ ១៧នាក់ផ្សេងទៀតដែលកំពុងបាត់ខ្លួនក្នុងស្រុក Agam និងស្រុក Tanah Datar ជាតំបន់ដែលរងគ្រោះដោយទឹកជំនន់ខ្លាំងជាងគេ។ 

មន្រ្តីដដែលបានបញ្ជាក់ថា បច្ចុប្បន្ននេះក្រុមការងារផ្តោតសំខាន់បំផុតទៅលើការ​ស្វែងរក​និង​សង្គ្រោះ​ជន​រង​គ្រោះ និងកិច្ចការបន្ទាប់គឺការការពារ និងជម្លៀស​ជន​ងាយ​រងគ្រោះ​។ គួរបញ្ជាក់ថា បើតាមរូបភាពពីសារព័ត៌មាននានាបង្ហាញថា បណ្តោយផ្លូវសំខាន់ៗក្នុងស្រុក ព្រមទាំងផ្ទះសម្បែង និងវិហារសាសនាជាច្រើនកន្លែងបានរងការជន់លិច និងរងការខូចខាតជាខ្លាំង៕



ព័ត៌មានជាច្រើនទៀតសម្រាប់អ្នក